العيــن مـالهـا ومـال الشقاء والحيره

العيــن مـالهـا ومـال الشقاء والحيره ** اللي باعهـا تبيعـه وتشـري غيره
العين مـالهـا تـجدر ** تبـات بـا كيـه والــدمـع منهـا حــدر
نزل دمعها فوق الوسادة غـدر ** عبرات والخـاطـر قصـر تفكيره
وهـي عارفه مكتوب ربي قــدر ** المكتوب مـا تنفع معـاه بصيره
حبيب باعها ومـا حسهـا وتعــذر** سـلامات يـا مـولى العيون كبيره
ويا عقل لا تحتار لا تتكـدر ** أنســى غـلاء مزيف وتلقى غيره
ودير عــزم وزم ننصحك وتحـدر** لاش تجبد اللي فات فيها خيره
********************
العــين مـالهـا ومال الشقـاء والحيره ** اللي بـاعهـا تبيعـه وتشـري غيره
مـــن قـال بعــد الــود ** وبعــد الغـلاء اللي لين فات الحد
من قال قصـــة بينا تمتــد ** وتبــــدى حـــكاوي للعـــرب وســـيره
ومــن قـال نبــدوا بين جــزر ومـد ** وكيف يتخلبـس غــزلنـا فالنيره
ومــن قـال نبنـوا سـاسنـا و ينهــد ** هسهـاس وحنــا بنيـنـا بالصيره
ومــن قـال نبــدوا بيـن خــوذ ورد ** مــن فعــل هــلي واخـدتهم غيره
تبــدل أيـام أفــراحنـا بنـكد ** وتنـسى غــلانـا وتتـركـه عل شيــره
العيـن مـالهــا ومـال الشقاء والحيره ** اللـي بـاعهــا تبيعــه وتشـري غيره
العــين مـالهــا تتبــــــكى ** عليهــم حــزينه بــايتـه تشكـى
العــين جـايه مـابين هكى وهكى ** غـلاهـا وجفـاهـا والـدمـوع غــزيره
ويـالعـين ننصح فيـك فكى فكـى ** واللـي جفـاء مـا يـلـزمـك تــدويـره
***************
العيــن مـالهـا ومـال الشقاء والحيره ** اللـي بـاعهـا تبيعـه وتشـري غيره
العــين بـا يته تتـويل ** تبـات سهـاره تنحـب تقـول عـويل
نـزل دمعها فـوق لـوسـادة سـيل ** تنشـد عللي غـاب قـالت خيـره؟؟؟
يــزيد شـوقهـا سـاعة الليـل يلـيل ** تبـات توجـع فـي حــوال خطيـره
*******************
العيــن مـالهــا ومـال الشقاء والحيره ** اللـي بـاعهـا تبيعــه وتشـري غيره
العـين بــايتـه مقــلاقـــــــــه ** الليــل مــا تنـام دمــوعهـا رقــراقــه
تــراجـي فغـالي لشبحتـه مشتـاقــه ** رقــيق عــزمهـا وتبكـي العيـن ضــريره
مــش طايقــه تـروم الحبيـب فـراقـه ** وهـو بـاعهـا بـرخص ثمـن لي غيره
ســلامـات ما بعـد السـلام مـلاقــه ** بـاي باي يـا خـزرت اعــيون الطيره
****************
العيــن مـالهــا ومال الشقاء والحيره ** اللـي بـاعهـا تبيعـه وتشـري غيره
بــاي بــاي تشـــا و ** كيـف مـا مشــاء المفقــود يــوم الفـاو
غــلاك نحسبـه سكـران راكب داو ** شـا رب مخلـطـها وبسـكي وبيــره
وحـلف قـال يـاســود الهـدب هالتـاو ** بيصكـر العـداد فالشنطيــره
جــو بيسعفـوا زاد أنقطع الكـاو ** راح كيف ما راحــواعبـاد كثيره
****************
العيــن مـالهـا ومـال الشقاء والحيره ** اللـي بـاعهــا تبيعـه وتشـري غيره
العيــن ننصــح فيهـــا ** بلاش دمعهـا تنســى اللي نـاسيهـا
ديـر عــزم تصبــروالبكا يكفيـها ** علـى حـب فـاشـل لضـياع مصـيره
وتشـــريه هلـي بالغــلاء شـاريهـا ** ســود الهــدب مولـى لعيـون كبيـره

العيــن مـالهـا ومـال الشقاء والحيره ** اللـي بـاعهــا تبيعـه وتشـري غيره