حدود الغايه

حدود الغايه في بي ام
جلايه هم
بها نعمد سروه لمريم ،،
الغايه ف بي ام تززايق
جديده من عالي الاثمان
حلالي واخذها بعرق
عليها نجري لي زمان
ولا فيها مليم ازرق
غالط ولا سلفه م الجيران
بها ناوي هدف انحقق
علي سنه خالق الانسان
مع مريم ع الهاتف نعلق
مواعيد وتحديد مكان
تزوق وتجيني تبرق
فحالتها مانك غبيان
انكرشم الابواب انطبق
بها نتلافاه القطران
وهي فجنبي كي تنطق
موزيكا تعزف والحان
وتجبد حكايه اب روق
تهون ع القلب المليان
الها ممشوط طوال فرق
مغطي كرسيها مابان
علي الارضيه مسابق
مضلم كي نخل فزان
ورقبه فيها وين تحق
اللي مجحود عليك يبان
وصدر فثوبه مضايق
يغالط فلون الكردان
ووسط عليها دوبه عالق
تخاف عليه من المعيان ،
بها وين منامي نا طق
انفز تقول خليع بجان
وعييت افحاله نا شارق
الا واهم
حدود الغايه ،،،، في بي ام