ماعد القيت عزيمة

ماعد القيت عزيمه............. بتع القسام امغير في مواهيمه.......... ونا للجفا


ماعـــــــــــــد القــــيت ادبــــــــــارا....... اترد الفليت اللي علي تــــــــوارا

والعين عالجفا ماهي اللي صـــــبارا......... حايسا علي دارا اتبرم ديــــــــمه

ولاهي اللي تبي امغير اخبـــــــــارا .........ايسير الدنا والله اتموت عديـــمه

حايسه علي مول العـــيون غـــــدارا ........وهي فالغـــــلا هي دارها القديمه

انقول ياك تفهمني بعد ليـــــشـــــارا....... وتسعا امعاي الصوب في تقديمه

هاكي وهيتي فالغــــــلا واســـــرارا ........ونجيك بالوفا ياسمحت التبـــسيمه

ماعد علي صوبي اتجــي غـــــــثارا .........انكــــنتي امــعايا بالوفاه ســـــليمه

نزيدو زها صوبي عليه انـــــــــوارا......... اينورن بعد نبـــني علي ترســيمه

ويجودن عليه الصوب مزن امطارا .........وينبت اللي مجدب اسنيـــن قديمه

لاكن علي قــــلبي كــــــــبرتي نارا......... ابدال الصلاح اتزيد في تـــهديمه

جيـــته ونـــا وارد انريـــــد ابيــــارا........... القيتم عليهن ســــافــــيين رديـــمه

ارضيت هجرنا ضاعن القلب اقدارا......... رد الكـــفا منـــك عليــك جريمه

ردت غلانــا قــــهر فوق اقهـــــارا ........وديت ابغلا ودة القيـــت ظـــليمه

وغيري الــــقي عدا خذاه مصـــارا ........خصيمي ابقي وانا ابقيت خصيمه

سبحانا اللي راضو عفا مصـــدارا ........بعد الغلا هاضـــاك وانا ضــــيمه

وراهو كلامـــي مايرد ابــــــــــثارا......... يســـجل علي امغير فيه ذمــــيمه

امغير العلل فالزين موش اخصارا........ حكيـــت ابخبر خلف اجروح اليمه

ناقبل نحــــسابه نــــقي معـــــــيارا .........ومافيك يرضا قولتا الشــــتيمه

لاكن اللي صارت ركنا ايســــــارا .......لاقدرت عالتوخير لاتقديــــــمه

مفروض يمتحا مالقلب كل اثـــارا .........وماعد امعاي اتكونلا شي قيمه

غير هذي لابـــــراي لابدبــــــارا......... مكتوبلك اتعيشي يالعين غريمه

ايجيه يوم يندم فيه علـــي دارا......... ويطرح السين ومايلاقي جيمه

الشاعر:عبدالمنعم اكنيش الفاخري