الــجــمــاعـي

أهلا بك عزيزي الزائر يرجي التسجيل في المنتدي للإستفاذة منه

انضم إلى المنتدى ، فالأمر سريع وسهل

الــجــمــاعـي

أهلا بك عزيزي الزائر يرجي التسجيل في المنتدي للإستفاذة منه

الــجــمــاعـي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
الــجــمــاعـي

السلام عليكم ورحمة الله وبركاته

المواضيع الأخيرة

» إمسح ذنوبك
هناك ناس تكرههم من اوّل ليله I_icon_minitimeالثلاثاء يناير 18, 2011 7:38 am من طرف SALAM ALLAH

»  شعر بالفصيح والعامية
هناك ناس تكرههم من اوّل ليله I_icon_minitimeالأحد يناير 16, 2011 4:55 pm من طرف Admin

» ياما بكيت عليها
هناك ناس تكرههم من اوّل ليله I_icon_minitimeالأحد يناير 16, 2011 4:46 pm من طرف Admin

»  مكانك خالي...للشاعر نعيم الزوي
هناك ناس تكرههم من اوّل ليله I_icon_minitimeالأحد يناير 16, 2011 4:43 pm من طرف Admin

» غرام فاطمه
هناك ناس تكرههم من اوّل ليله I_icon_minitimeالأحد يناير 16, 2011 4:41 pm من طرف Admin

» حداد.. درنا عليه حداد
هناك ناس تكرههم من اوّل ليله I_icon_minitimeالأحد يناير 16, 2011 4:35 pm من طرف Admin

» تعال اسمعها....
هناك ناس تكرههم من اوّل ليله I_icon_minitimeالأحد يناير 16, 2011 4:29 pm من طرف Admin

» يللي جميل سماك
هناك ناس تكرههم من اوّل ليله I_icon_minitimeالأحد يناير 16, 2011 4:27 pm من طرف Admin

» .يم العيون رغـيـبــة
هناك ناس تكرههم من اوّل ليله I_icon_minitimeالأحد يناير 16, 2011 4:23 pm من طرف Admin

التبادل الاعلاني


    هناك ناس تكرههم من اوّل ليله

    avatar
    Admin
    Admin


    عدد المساهمات : 56
    تاريخ التسجيل : 21/08/2010

    هناك ناس تكرههم من اوّل ليله Empty هناك ناس تكرههم من اوّل ليله

    مُساهمة  Admin الإثنين يناير 10, 2011 3:30 pm

    * * *
    هناك ناس تكرههم من اوّل ليله
    وهناك ناس ما يهُونوا سْنين طويله
    * * *
    هناك ناس حبايب
    وهناك ناس تكرهْم بْغير سبايب
    ولا عقل عامر كيف عقل الخايب
    ولا وْجوه تَنْدى كي وجوه بخيله
    * * *
    هناك ناس يا مَحْلاهم
    وهناك ناس ما تَقْدر تعيش بلاهم
    وهناك ناس حسْدِيَّه وسُود نْياهم
    ثْياب بِيض من بَرَّه وجَوَّه نِيله
    * * *
    هناك ناس غَوالي
    حتى ان باعَدوا ما كَيفْهم لا والي
    حمَّالين للسَّيَّه بْطَوعة بالي
    علي خطّْهم ما عندهم تحْويله
    وهناك ناس عشْرتْهم خَطَا طَوّالي
    مكتوب في جباهِهم خَراب العَيله
    وهناك ناس تعْزم واليدَيْن خَوالي
    وهناك ناس تَبْخل والجّيُوب ثقيله
    هدايات مالرّب الكريم العالي
    وبُو طَبْع ما تنفع مْعاه الحيله
    * * *
    هناك ناس ما تَقْبلهم
    وهناك ناس لك غايه تْجول لْهَلهم
    وهناك ناس لا دارَوْا خَطَا تحملهم
    وهناك ناس في عَقْلك لهم تجْفيله
    وهناك ناس عالحَيِّين لا تجْملْهم
    اللي تْجيك منهم مالْها تبديله
    ولا يفْرقْوا ظنِّي الا بْعَمَلْهم
    ما حَدْ علي التّسْعه مْزَوّد لَيْله
    وهناك ناس ما يَنْسوا اللي صارْلهم
    يردُّوه بعْباره ووافي كَيْله
    وهناك ناس لا هبّْ الهْبوب خَبَلْهم
    ونسْيَوا اللي عدَّى وضاع جميله
    ولا خير في اللي ما يْبات عَلَلْهم
    ولا في الخَلِيل ان كان فاتْ خليله
    * * *
    هناك ناس يا مَبهاهم
    وهناك ناس تُوعدْهم وما تَلقاهم
    وان قابلتهم تَلقى العَذَارْ معاهم
    مْجَهّْزيَّنه ما عندهم تعْطيله
    كلامْهم اللي قالَوْه ضدّ نْياهم
    ان كان بَحّروا ينْوُوا على التّقبِيله
    احتار في مْوَدّتهم اللي ماشاهم
    مربّْيِينَّه شاطب وحَار دليله
    لصحاب كيف في صفّ العدو تلقاهم
    صحْبتْهم مْعاك مغير نَصْب وحِيله
    قِريب نقْصهم منَّك بعيد وفاهم
    مَشْيُول عالدّبَر في حمْلهم تمْيِيله
    مفتوح عالخْساره بَيْعهم وشْراهم
    السّتْرَه مْع بو صَحْبَين قليله
    * * *
    هناك ناس اماره
    وهناك ناس ما ظنِّي يساوُوا باره
    وهناك ناس تلقى سَعْيهم في الكاره
    وأرزاق واجْدَه غير النّفوس بخيله
    والمال في قليل العزْم راهْ خْساره
    حتى وهُو حَكيم بعلْم في تعديله
    وهناك الفقير وما يسَيّب عاره
    حتى إن كان ما عنده الْيَدّ طويله
    وإن ما كان في جَيْبه قضي من جاره
    علي قيْس نِيتَه ربّْنا يعطي له
    مَوْكار الصْقُوره ما تْجيه حْبَارى
    ولا مْرَوّمَه تَلْحَق ثمَنْ لاِصيله
    وحظّك اللي ترْميه مالبذّاره
    يَطْلع بْعَينه تحْصدَه وتْشِيله
    والجَّدِي لو تقَوَّى نين فات حَكاره
    ان يَبْقى علي شَيْل الحْمُول هَزيله
    وشْوف الجمّل حتى إن خفّ عْباره
    صِليبه علي حمْلَه اخْرى ترْمِي له
    شديد العَصَب حَمَّال في مشواره
    قطّاع الفيافي وين مَدّ رحيله
    إن راد ربّْنا ما حَدْ يسيِّب كاره
    الرّاس راسْ والواطي ان زال وذيله
    * * *
    هناك ناس يا مَبسَلْهم
    لا غَريب يَقْبلهم ولا من هَمْهم
    وهناك ناس في الحَيِّين شَيْن عَملْهم
    ذكَرْ نخِيل لا رَمْيَه ولا تظْلِيله
    عَلْقم وحَنْظل وين ما تاكلهم
    وان رافقتهم يبْقَوا عليك عَدِيله
    وان نازلتهم بالدّار جار لْهَلهم
    علَيْ عيْب عَيّل يجْردُوا بالعَيْله
    علي جارهم ديما يزيد عَلَلهم
    قْلال الْعنَا لا جَتْ الدَّلو ثقيله
    * * *
    هناك ناس تكرههم من اوّل ليله
    وهناك ناس ما يهُونوا سْنين طويله
    شن رائكم ؟

      الوقت/التاريخ الآن هو الخميس مارس 28, 2024 9:22 am